Liewe Gäscht im Internet! - Ehr liewe Freunde

Vun de Palz un unserm Frohsinn!
Ellerstadt grüßt herzlich Eich als Palz-Gemeinde,
Un mer frää'n uns, dass Ehr do sin!
Wer selles lese kann, wääß jo bestimmt Bescheid:

Des Pälzisch is net bloß en Dialekt,
Es is die Muddersproch vun uns, Ehr liewe Leit,
Zeigt uff de Duppe ganz genaa, was in uns steckt.
Aach unser Texte, Bilder iwwer Land un Feschte,
Die zeigen hochdeitsch höchstens u(n)gefähr,
Wie's bei uns werklich aussieht. - Doher's beschte:

Ehr kummen grad mol selwer her!
Es Internet is bloß e Schlissel-Loch im Grunde,
Doch wann voll Neigier Ehr bereit sin herzukumme,
Hot's Eich un uns schun g'holfe - ich sag's u(n)umwunde -

Dann ganz "real" sin Ehr noch mehr uns jederzeit Willkumme!

Letztes Update: 01.01.2009, 21:18

Text verfasst von Jürgen Metzger